ఆకాశం

 

6) శుభోదయం 🌹🌹🌹🌹🌹

గజల్. విజయ గోలి

ఆకాశం అంచులు చూద్దాం నాతో వస్తావా
హరివిల్లును దించుకు వద్దాం నాతో వస్తావా

రెక్క లిప్పి రివ్వున ఎగిరే గువ్వల మవుదామా
ఎల్ల (లు)దాటి అల్లరి చేద్దాం నాతో వస్తావా

కొండవాలు వాగు లోన గండుమీను కానొచ్చే
వాటంగా వలనే వేద్దాం నాతో వస్తావా

చెరువుగట్టు చెంగలువ చెలిమికి పిలిచె
చేయి పట్టి పరుగులు తీద్దాం నాతో వస్తావా

కరిగిపోవు కాలంలో వడిలిపోక బాల్యానికి
విజయంగా ఆయువు పోద్దాం నాతో వస్తావా