ఒహో శిల్పీ

ఓహో శిల్పీ … విజయ గోలి
కఠిన శిలకు వూహతోటి ..ఉలిని చేర్చి …ఉనికినిచ్చావో..

దివి నుండి భువికి దిగిన …దేవకన్యలే ..ప్రేరణయ్యారో ..

అప్సరసల అందమంతా …అరువు ఇచ్చారో ..

అణువు అణువున ..అందమద్ది మలిగిపోని జీవమిచ్చావు …

తపస్సంతా ..ధారపోసిన ..మౌనిమల్లే …

మనసుకే రూపమిచ్చి ..వెలుగు నింపావు ..

బ్రహ్మ దేవుని కంటికే ..ఈసు ..పుట్టిందేమో ..

కరుడు కట్టిన కాఠిన్యం కత్తులే దూసింది ..

కరిగిపోయిన కాలంలో ..మిగిలిపోయిన ..ఆనవాలై నిలిచింది ..

అవనిపై ..అందము . …అలరారునంతవరకు ..

నీ సృజన.. ఈ సృష్టికే నీరాజనమై నిలుచు ..