మౌనం మాట్లాడుతుంది

శుభోదయం 🌹🌹🌹🌹🌹

కాజా శ్రీనివాస్ గారి “మౌనం మాట్లాడుతుంది “ కవితా సంపుటి పై నా చిరు సమీక్ష .

ఆత్మీయ స్పందన “
“మౌనం మాట్లాడుతుంది “

శ్రీ రాజ్ కృష్ణ రేపల్లె వారితో నా పరిచయం చాలా తక్కువ .నిజానికి అసలు లేదనే చెప్పాలి . నవ్యాంధ్ర రచయితల సంఘం నిర్వహిస్తున్న కవి సమ్మేళనంలో కలిసాము . వారు తమ పుస్తకం “మౌనం మాట్లాడుతుంది “ ఇచ్చారు .తెలుగు ,హిందీ,ఇంగ్లీషు లో వారు వ్రాసిన కవితలు చదివాను .మూడు భాషలపైన మంచి పట్టు తో వ్రాసారు . హిందీ ఉపాధ్యాయుడు కాబట్టి హిందీలో కూడా ఎంతో సరళంగా కవనం చేసారు .
నిజానికి మౌనం మాట్లాడటం అంటే రాజ్ కృష్ణ గారి కవితల లోనే చూస్తాం .
అక్షరాలలో అంతర్గతంగా దాగివున్న మనసు చెమ్మ ప్రతి హృదయాన్ని తాకుతుంది . మండలి బుధ్ధ ప్రసాద్ గారు , రాజ్ కృష్ణ గారి సహ ఉపాధ్యాయులు ముందు మాటలు వ్రాసారు . వారి మాటలలో అతిశయోక్తి అసలు లేదు .ఈ సంపుటిలో మొత్తం 41 కవితలున్నాయి .ఎవరి శైలికి అనుకరణ లేని ప్రత్యేక శైలి లో ఆవిష్కరించారు .
మొదటి కవిత గా అక్షరాన్ని అక్షరీకరించారు.
అక్షరం లో ఆర్ద్రత వుంటే అమ్మ లాలన , ఆవేశం వుంటే అగ్ని కణం అంటారు
నిజమే అక్షరం లో చైతన్యం లేకపోతే భావాలకు కవిత్వంగా ఆవిష్కరణ జరగదు . కవనం ఏదైనా మనో స్పందన ,ఆ స్పందనలో జీవం వుండాలి .అపుడే ఆ కవిత్వం కాలంతో పాటుగా సాగుతుంది .
మౌనం మాట్లాడిన మాటలన్నీ జీవత్వం నింపుకున్నాయి .
మౌనం అన్న కవితలో ..మౌనం మాటలు మన మనసుకు వినపడేంత చక్కగా వ్రాసారు .నాన్న కవితలో …నాన్న కఠినత వెనుక దాగున్న కమ్మని మనసును మాట్లాడించారు .బ్రతుకు బండి , అడ్రస్ ..ఎక్కడా, ఇలా చాలా కవితల్లో సమాజ స్థితి గతులను జవాబు లేని ప్రశ్నలుగా ..మౌనంగా ఎత్తి చూపుతారు .
స్త్రీ కవితలో …అమ్మ తనానికి అపార గౌరవాన్ని ఇస్తూ వారి వ్యక్తిత్వాన్ని చాటుకుంటారు .
Ray …of ..Hope
కరోనా సమయం లో ప్రపంచమంతటా లాక్డౌన్ లో ప్రతి ఒక్కరి కళ్ళలో మనసుల్లో పేరుకున్న భయానికి చీకటి మేఘాల మధ్య
మెరిసే చిన్న మెరుపు ఆశైతే .ప్రకృతిలో మనిషి ఉనికి సమాధి పై విచ్చుకున్న గులాబీలు అంటారు . అలాగే you The Teacher పోయమ్ ,Dream ప్రపంచ శాంతిని కోరుకుంటారు .
వ్రాసిన ప్రతి కవిత మౌనం వీడి మనసుతో మాట్లాడు తాయి .
“మరో ఉదయం “ సంధ్య” ఈ కవితలు నిరాశ మనసుకు ఊరడింపు పలపకుతాయి .” వీరుడా వందనం “ మనసుతో మాటాడుతుంది . అన్ని కవితలు నిడివిలో చిన్నగా కనిపించినా అద్భుతమైన అంతర్గత భావాలతో అలరింప చేస్తాయి .ఇంక హిందీ కవితలు
“దో ముసాఫిర్ “ “రాస్తా”దేశాన్ని రక్షించే సిపాయిల గురించి ,”దిల్ “
ప్రేమకు దీర్ఘాయువు నిమ్మని భగవంతుని కోరుకుంటారు రాజ్ కృష్ణ .
అందరూ చదవ వలసిన ఒక మంచి కవితా సంపుటి .లోతైన భావాలతో తనదైన శైలి లో నడిచి పోయే మాటాడే ఒక మౌన గీతం .
ఇంకా ఎన్నో కవితలు వ్రాయాలని ..కవితా సంపుటాలు ముద్రించాలని జన రంజకంగా అందరి మన్ననలు పొందాలని శుభాకాంక్షలతో..చిన్నవాడు కాబట్టి
ఆశీర్వదిస్తూ ..
ఇట్లు
గజల్ రచయిత్రి

విజయ గోలి
“మౌనం మాట్లాడుతుంది”
రచయిత. రాజ్ కృష్ణ రేపల్లె
హిందీ ఉపాధ్యాయుడు
8555919959