గజల్ విజయ గోలి
నీతలపున *మోహన మై విరిసెనులే దరహాసం.
నీవలపుల *కళ్యాణిగ మెరిసెనులే దరహాసం
ఉషోదయపు భానుడితో భాసిల్లిన *భూపాలం
హిమచందన తుషారాలు చిలికెనులే దరహాసం
సాగివచ్చు ఆమనికై వేణువులో * కీరవాణి
రామచిలుక పలుకులలో ఒలికెనులే దరహాసం
సందెవేళ సన్నజాజి నవ్వులలో * హిందోళం
జడగంటల జావళీలొ కులికెనులే దరహాసం
రేయంతా రాయంచల రసఝరిలో * నీలాంబరి
“విజయా “లతో *హంసధ్వని పాడెనులే దరహాసం
