*అన్యధా శరణం నాస్తి ..త్వమేవ శరణం మమ.. విజయ గోలి
అన్యధా శరణం నాస్తి ..త్వమేవ శరణం మమ..
పిలిచే పిలుపులో ఆర్తే ఉంటే..
కోరి కొలిచే దేవుడు కొంగు బంగారమై ..
కొండంత అండగా.. దరికి రాకుండునా …
కోరేటి కోర్కెలో కొలతలే లేకుంటే ..
హరి అంతటా హరితమై ఉండగా..
తలిచిన క్షణమే తరలి రాకుండునా..
మానవసేవే మాధవ సేవ ..అనుకుంటే ..
నీ సేవకు వెను వెంటనే .. వేంచేయడా …
సర్వే జనా సుఖినో భవంతు..అన్నావంటే ..
జగద్రక్షగా నీకోసం భువికే దిగి వచ్చుగా .. విజయ గోలి
