నవ్వులలో నీ మోమున

గజల్ 11 రచన .-విజయ గోలి

నవ్వులలో నీ మోమున  అద్దినదే రంగుకదా
కాటుకతో నీకన్నుల దిద్దినదే రంగుకదా

సప్తపదుల సంగమంలో నునుసిగ్గుల వెల్లువలో
మూడుముళ్ళ ముచ్చటలో కురిసినదే రంగుకదా

ఆశలవాకిళ్ళుతీసి అంబరాన తిరుగాడి
అందలేని సంబరాల అందినదే రంగుకదా

అద్దమంటి మనసుంటే ఆ అందం విజయమేగ
పసిపాపల నవ్వులలో మెరిసినదే రంగుకదా

నలుపుచూసి నలుపంటూ నవ్వులాడ చూసేరుగ
విశ్వమంత విస్తరించు విశ్వమూర్తి  రంగుకదా