వలపు నటనలు

4గజల్ విజయ గోలి

మౌనరాగం మాటునున్న పలుకులన్ని తెలిసెనులే
అలకమాటు అలవికాని కులుకులన్ని తెలిసెనులే

ఎరుపుకన్ను చూపులోన ప్రేమకత్తి వాడివుంది
మరుగుతున్న మంచుపూల చిలుకులన్ని తెలిసెనులే

అలకనటన చెప్పుచున్న చెక్కిలిపై నొక్కులెన్నో
పంటనొక్కె పెదవిపైన తళుకులన్ని తెలిసెనులే

నీలికురుల విసురులోనె దరికిపిలిచె జాడవుంది
జాజిపూల జాణతనపు ఉలుకులన్ని తెలిసెనులే

వలపునటన చాలుచాలు పంతమాపి చెంతచేరవె
దోరనవ్వు దొంగాటల దుడుకులన్ని తెలిసెనులే