నారీ విజయ గోలి
నారీ..అన్న నీ పేరులోనే ..
భేరీ శబ్ధముంది..
నారిని సవరించు …
నిశ్శబ్ధాన్ని భేదించు ..
అబలనంటూ ..అలుసైపోకు ..
సబలవై సమరం సాగించు ..
సహనానికి సమాధి కట్టేయి
బానిసత్వపు బంధనాలు …
త్రెంచి ఇక ముందుకు కదులు
మదాంధులను మట్టికరిపించే
మహాశక్తివై విజృంభించు ..
కరుడు కట్టిన మృగాలను ..
కాలిక్రింద తొక్కిపెట్టు ..
ఆత్మ వంచన ..అసలు వద్దు ..
సృష్టి అంటే నీవైనపుడు ..
శక్తి లేదనుమాట వద్దు ..
