మహాత్మా..

రేపు మహాత్ముడి వర్ధంతి

భారత మాత అత్యుత్తమ పుత్రుడిని కోల్పోయిన రోజు

మనదేశం  ఒక మహనీయుడిని కోల్పోయిన రోజు .

దేశం కోసమే పుట్టి   దేశం కోసమే పెరిగి

        జీవితాన్ని ఫణంగా పెట్టి

ఒక మతోన్మాది చేతిలో అసువులు  బాసిన

భారత జాతిపిత  మహర్షి మహా మనీషి మహాత్మా గాంధీజీ

వర్ధంతి సందర్భంగా నివాళు లర్పిస్తూ ..నా ఈ చిరు కవిత

నిజానికి అహింస అనే ఆయుధానికి బదులు మరొక ఆయుధం రావొచ్చేమో

        స్వాతంత్ర్య ఉద్యమంలో సంపూర్ణ భారత జాతిని ఒక్క త్రాటి పై నడిపిన

              మహాత్ముని మించిన మహా నాయకుడు మాత్రం మరి రాడు .

నీవొక్కడివే ….

ఓ మహర్షీ..

సత్యాన్నే శస్త్రంగా

అహింస యే అస్త్రంగా

చెరగని బోసినవ్వుతో

బక్క దేహాన ఉక్కు గుండెతో

భారతావని బంధ విముక్తి కై

చేతికర్ర  ఊతమిచ్చిన

ఉప్పు ఉద్యమ కారీ ..

ఓ  బాపూజీ

అణువు అణువున

స్ఫూర్తి నింపుతూ

అడుగు అడుగున

ఆత్మ బలమే నీవుగా

తెల్ల వారి గుండెలపై

అహింస బల్లెమే గుచ్చావు

సమర శంఖునినాదమే నీవై

సాధించావు సంపూర్ణ స్వాతంత్ర్యాన్ని

ఓ మహాత్మా..

చెడు వినకు. చెడు అనకు

చెడు కనకు  సూక్తిగా

భాయి భాయంటూ

బంధాలు కలిపి

శత్రువును ప్రేమించమన్నావు.

శాంతి సమరాన సమిధ వయ్యావు

జాతిపితగా జగతి నిలిచావు .

ఓ మహాత్మా …నీ అడుగుజాడలే ..

మాకు అనుసరణీయం …

ఓ మహర్షీ  నీ వ్యక్తిత్వమే మాకు స్ఫూర్తి …

అప్పటికి ..ఇప్పటికి …ఎప్పటికీ…

అవని ..ఆకాశాలున్నంతవరకు ..

.భారత జాతిపిత .. నీవే..నీవొక్కడివే…

నీ వొక్కడివే. నీ ఒక్కడివే  నీ ఒక్కడివే 🙏🏻🙏🏻