నీ తలపున

గజల్    విజయ గోలి

నీతలపున *మోహన మై విరిసెనులే దరహాసం.
నీవలపుల *కళ్యాణి (యై) గ మెరిసెనులే దరహాసం

ఉషోదయపు భానుడితో భాసిల్లిన *భూపాలం
హిమచందన తుషారాలు చిలికెనులే దరహాసం

సాగివచ్చు ఆమనికై స్వాగతాల * కీరవాణి
రామచిలుక పలుకులలో ఒలికెనులే దరహాసం

సందెవేళ సన్నజాజి నవ్వులలో * హిందోళం
జడగంటల జావళీలొ కులికెనులే దరహాసం

రేయంతా రాయంచల రసఝరిలో * నీలాంబరి
“విజయా “లతో *హంసధ్వని పాడెనులే దరహాసం