నాతో వస్తావా

శుభోదయం 🌹🌹🌹🌹🌹

గజల్. విజయ గోలి
64446

ఆకాశం అంచులు చూద్దాం నాతో వస్తావా
హరివిల్లును దించుకు వద్దాం నాతో వస్తావా

రెక్కలు కట్టి రివ్వున ఎగిరే గువ్వల మవుదామా
ఎల్లలు దాటి అల్లరి చేద్దాం నాతో వస్తావా

కొండవాలు వాగు లోన గండుమీను కానొచ్చే
వాటంగా వలనే వేద్దాం నాతో వస్తావా

చెరువుగట్టు చెంగలువ చెలిమికి పిలిచె
చేయి పట్టి పరుగులు తీద్దాం నాతో వస్తావా

కరిగిపోవు కాలంలో వడిలిపోక బాల్యానికి
విజయంగా ఆయువు పోద్దాం నాతో వస్తావా