కవికులం…#గీతనాది..రాతమీది
కవితల పోటీకి
శీర్షిక ..ఎదురు చూపు
ఒంటరి తనమంటే
జంటగామనసు కూడ
తోడు రాక పోవడమే
గతమంతా శూన్యమై
బ్రతుకు లేకపోవడమే
ఓపికుడిగి పోయాకె
నీకు నీవు తెలిసేది
నెర్రిలిచ్చిన నేలకు తెలుసు
నీ ముదిమికెంత వయసో
బీడుపడ్డ భూమికి తెలుసు
ఆ బంధమెంత గట్టిదో
అయ్యచేయి పట్టి
ఆభూమిన అడుగెట్టిన
నాటినుండి నేటివరకు
అడుగడుగున ఎదురుచూపు
వయసంతా ప్రతిఘటనే
వింతకధే నీ బ్రతుకు
ఎడారిలో మేఘంకై
వెతుకులాడి అలిసావు
కన్నీటితొ విత్తుతడిపి
కాలమంత చూసేవు
కరుణించని కాలానికి
దాసోహ మింకెందుకు
ఇకనైన ఆ తనువుకు
కూసింత విరామమివ్వు
ఎవరికొరకు ఎదురుచూపు
చూడకున్నా తరుముకొచ్చు
కోరని ఆ మృత్యువు
