అవకాశం

శుభోదయం🌹🌹🌹🌹🌹

గజల్. విజయ గోలి

అందివచ్చు అవకాశం అందుకొనుట తెలియాలి
ఆశయాల దారులలో అడుగేయుట తెలియాలి

పూలతోడు ముళ్ళుంటే అదునుతెలిసి తెంపాలి
అడ్డమొచ్చు ఆపదలను అదిలించుట తెలియాలి

నల్లమబ్బు నీడలెపుడు తోడురావు కలకాలం
ఎడారిలో ఎదురునడక ఎరిగుండుట తెలియాలి

మేధావుల సూచికెపుడు మేరువులే చూపించు
నీకునీవు ఎదుగుటలో ఒదిగుండుట తెలియాలి

సాగరాన చినుకులాగ కలిసిపోతె విజయమా?
కోటికొక్క మనిషిలాగ కొలువుండుట తెలియాలి!